2017 又再 IoT

三年前第一次聽見 IoT, 好似幾好玩, 就用 塊 Arduino Mega2560 加幾個 sensor, 再用 yeelink 做左個測試系統:

(終極版係多左 D 設備, 不過好似無再影相, 就用張第一代既相算了, 反正都唔係介紹佢.)

玩左一年左右, 都唔知有乜好玩, 諗唔到乜野新意, 就自動摺埋左.
收集左一年既數據, 唔知有乜用.

事隔一年多, 世界變左好多.  之前仲係用 W5100 插線既網路, 果時 ESP8266 仲係用串口連接 Arduino 既網絡卡, 今時今日, 因為 ESP8266 仲快過 Arduino, 已經獨立了.  加上有人 port 左套 Arduino 落去 (或者叫左 Arduino IDE 支援埋 獨立既 ESP8266), 要做無線網路都好易....係超易至真.

背脊對落既地方有少少痕, 之前入左塊 D1 都無認真試過, 攞番出黎玩.
發覺已經可以直接裝 driver, 而且簡單易用, 又心思思想試下.
再上 io.adafruit.com  測試下, 又幾方便喎....就 pat pat 痕再玩番下.

雖然 , 今時今日, 已經通街都係免費 broken, 有哂靚仔 UI.
但係既然三年前都玩過, 再玩番都係無新意, 今次再痕 D, 自己起埋個 server 玩.
希望....唔會衰喇.

其實自己都唔知有乜選擇, 要裝幾多至夠, 不過, 一向貪玩既性格, 玩左先算.
老人家玩野, 玩得幾多日就幾多日,.....